RULES & REGULATION

KANHMUN WELFARE COMMITTEE (KAWC)

INKAIHHRUAINA

                                           BUNG 1-NA

HRILHFIAHNA

1.                 Pawl hming : Kanhmun Welfare Committee ( KAWC )

2.                 He pawl hi Politics-ah awn lam bik neilo ( Non-Political Organisation /NGO ) leh Sakhaw awn lam bik neilo ( Non-Denominational Organisation ) a ni.

3.                 General Headquarters chu Aizawl a ni ang.

4.                 He dan hi Kanhmun Welfare Committee huangchhungah chauh hman theih a ni.

5.                 A hrilhfiahna dang siam a nih loh chuan he Dan Bu-in Pawl a tih chu Kanhmun Welfare Committee ani ang a. A lamtawiin ‘KAWC’ tih tur a ni.

6.                 He Dan Bu-in Dan a tih reng reng in he ‘Inkaihhruaina Dan’ hi a ni ang.

7.                 ‘Member’ tih hian Kanhmun Welfare Committee member a sawina a ni ang.

8.                 He Inkaihhruaina Dan Bu-in ‘General Body’ a tih chu Kanhmun Welfare Committee a member zawng zawng te a ni a. ‘Executive Committee/Executive Body’ chuan Office Bearers (OB), Secretary hrang hrang, Patron, Senior Adviser leh Committee member ruat-te a huam ang.

9.                 O.B. tih hi Elected O.B. sawina a ni.

  BUNG 2-NA

PAWL NIHPHUNG LEH DIN CHHAN

1.       He Pawl hi Kanhmun khawchhuak, Aizawl leh hmun hrang hranga awmte zingah inpumkhatna leh thawhhona tha zawk a awm theih nana din a ni. Khawtlang leh ram tan a tul angin hma a la thei bawk ang.

2.       Kanhmun khua/khawchhuak Aizawl leh hmundanga awmte chhiatni thatni-a theih ang tawka tanpui. ( A bikin chhiat tawkte leh harsatna tawkte ngaih pawimawh).

3.       Kanhmun khawchhuak zirlaite a theih ang anga kawng dik leh tha kawhhmuh leh, fuih chunga an harsatna sutkian pui.

4.       Ruihhlo leh thildang vanga khaw hmingchhiatna thlen zawnga khawsate zilhhauva, a tul anga hmalak.

5.       Kanhmun khawtlang hmasawnna tura kawng hrang hrang a hmalak leh khawtlang hruaitute leh NGO te tawiawm.

6.       Ram leh Hnam humhalh kawnga theih tawpa hmalak.

7.       Khua leh tui tha ni tura mite fuih leh zirtir.

BUNG 3-NA

1.                 MEMBER NIH THEIH DAN :

(i)                Mi tupawh Kanhmun khua a piang leh seilian Aizawl a awm tawh phawt chuan Annual Membership Fee pein member a ni thei ang.

(ii)             Kanhmun khua a piang emaw seilian kher lo pawh an Nu/Pa/Nupui/Pasalte Kanhmun khawchhuak an nih a, he pawl hi an zawm ve duh a nih a, Pawl hruaituten an remtih bawk chuan Annual Membership Fee pein member anih theih bawk ang.

(iii)           Executive Committee ten an term chhunga membership fee an khawn loh chuan a hma chiah term chhunga member-te chu Annual Membership Fee pe anga ngaih theih an ni ang a, Pawl member-ah chhiar vek tur a ni.

(iv)           Annual Membership Fee hi a hunlaia Executive Committee ten tul an tih zat an ruahman ang a, a tam leh tlem chungchangah thuneihna an nei ang.

2.                 MEMBER NIHNA HLIHSAK THEIH DAN :

(i)                Pawl member tupawh, Pawl leh khawtlang/ram ti hmingchhia leh tibuai zawnga khawsate, ruihtheih thil leh mipat hmeichhiatna, etc.lama mawilo taka che an awm chuan Executive Committee-in an chungthu a rel thei ang a. Hei hian member nihna hlihsak thlengin thu neihna a nei ang.

(ii)             Membership Fee pelo chu member a ni thei lovang a. Amaherawhchu, term tinah Executive Committee ten membership fee an khawn loh chuan a hma chiah term chhunga member-te chu Annual Membership Fee pe anga ngaih theih an ni ang a, Pawl member-ah chhiar vek tur a ni.

BUNG 4-NA

INTHLAN DAN

1.     Office Bearers tur chu Executive Committee (E/C) ruahmanna in  November/December thla hun remchangah thlan thin tur a ni.

2.     O.B. te hi General Headquarters Aizawl hmuna awmte ngei an ni thin tur a ni.

3.     O.B. turte chu a hnuaia mi ang hian thlan thin tur a ni-

(i)                Chairman

(ii)             Vice Chairman

(iii)           Secretary

(iv)           Assistant Secretary

(v)             Treasurer

(vi)           Finance Secretary

4.     O.B. turte chu Post by Post a thlan thin tur a ni a. Term khat chhung atan a ni ang a. Term khat rei zawng hi kum hnih ( Gregorian Calendar Year ) a ni ang.

5.     Inthlan reng reng hi Secret Ballot-a thlan vek tur a ni.

6.     Vote hmu tam ber chu tlinga puan a ni ang a. Vote hmuh inzat/inang an awm chuan vote inzat hmutute atangin thlan nawn leh tur a ni.

7.     O.B. turte reng reng chu term khat tal member an lo ni  ngei  tawh tur a ni.

8.     Executive Committee-in tul a tih zat official candidate a ruat thei ang a. Hei bakah hian a tul dan a zirin Floor candidate 2 (pahnih) dang ruatbelh theih a ni bawk ang.

9.     Executive Body in inthlanpuitu tur Returning Officer leh Polling Officer a ruat thin ang a, anni hian inthlan an buaipui ang.

10.                        O.B. hlui leh tharten inthlan atanga ni 30 ( Thla khat) ral hma ngeiin mawhphurhna (charge) an inhlan fel vek thin ang.

11.                         Pawl hruaitute (O.B.-te) an chak tawk loh a mawhphurhna an zawh loh viau chuan, inthlan that emaw Adhoc Body Executive Committee in a ruat thei ang.

BUNG 5-NA

OFFICE BEARERS LEH AN MAWHPHURHNA

1.     Chairman :

(i)     Welfare Committee Meeting a kaihruai thin ang.

(ii) Pawl aiawhna tur thil chi hrang hrang ah Pawl aiawhin a tel thin ang.

(iii)Engkimah Pawl hruaitu ber a ni ang a. General Body leh Executive Body in thuneihna a pek chinah thuneihna a nei ang.

2. Vice-Chairman :

(i)     Chairman remchanloh changin committee a kaihruai ang.

(ii)  Chairman awmloh thu-ah chairman thuneihna leh mawhphurhna zawng zawng a chang vek thin ang.

3. Secretary :

(i)     Chairman hriatpuina in Committee meeting a ko thin ang.

(ii)  Pawl thuchhuak leh hmalakna engkim a chhinchhiahin a vawng tha thin tur a ni.

(iii)Executive Committee  2/3 ( hmun thuma thena hmun hnih ) in tul an tih chuan Chairman hriatpuina tello pawhin meeting a ko thei ang.

4.     Assistant Secretary :

(i)     Secretary in mawhphurhna a pek chinah hna a thawk ang a, secretary awmloh thulhah aiawhtu a ni ang.

(ii)  A tul hun apiangah secretary a pui thin ang.

5.     Treasurer :

(i) Pawl sum him takin a vawng thin ang.

     (ii) Pawl hmingin sum a dawng ang a, sum lut leh chhuak ( Receipt leh    

          Payment ) fel taka chhinchhiahin Finance Secretary hnenah a report  

          vat thin tur a ni.

(iii)Chairman leh Secretary hriatpuina-in Bill a pe thin tur a ni.

(iv)A tul hun apiangah Sum dinhmun a report thei reng tur a ni.

(v)Chairman leh Vice Chairman an awm lohvin rorel a kaihruai ang.

6. Finance Secretary :

    (i) Pawl hmingin sum a dawng thei ang a. Sum lut leh chhuak fel taka   

    chhinchhiahin Treasurer hnenah a thehlut vat thin ang.

    (ii) Pawl sum ziahna bu (Account) a vawng tha-in a ziak fel thlap thin tur 

     a ni a. Endik ( Audit ) theihin sum dinhmun a vawng fel reng tur a ni.

BUNG 6-NA

PATRON LEH SENIOR ADVISER

1.     Executive Body-in Patron leh Adviser a ruat thin ang.

2.     Patron leh Adviser ruat kawngah Executive Body in uluk takin a ngaihtuah thin tur a ni a. Mi hmingtha, Pawl leh khawtlang tana mi chhenfakawm tak ruat hram thin tur a ni.

                                           BUNG 7-NA

THUNEIHNA LEH ROREL    

     1.General Body ( G.B. ) :

(i)                Pawl Inkaihhruaina Dan ruahman leh siamthat chungchangah thuneitu lu ber a ni ang.

(ii)             General Body Meeting hi kum khatah vawi khat tal neih thin tur a ni a, Executive Body-in tul a tih chuan vawikhat aia tam pawh neih theih a ni ang.

(iii)           Executive Body in a rel fel theih loh thu a awm chuan General Body hian a rel thin ang.

(iv)           General Body Meeting-ah O.B. pathum emaw Executive Committee Member 1/3 (hmun thuma thena hmun khat ) tal an awm loh chuan rorel theih a ni lovang.

(v)             General Body Meeting neih anih dawn reng reng in a hun hma chawlhkar khat ( Ni 7 ) tal ala awmin hriattirna pekchhuah hman hram tur a ni.

2.Executive Body ( E.B. ) :

(i)                Executive Body chu thuneihna sang tak nei, Pawl kaldan duang a enkawltu ber a ni ang.

(ii)             Executive Meeting-ah O.B. 3 ( pathum ) tal leh Executive Committee member 1/3 ( hmun thuma then hmun khat ) tal an kal tlinin rorel theih a ni chauh ang.

(iii)           O.B. tupawh engemaw avanga Headquarters Aizawl hun rei tak chhuahsan ngai an awmin anmahni rawn chungin Executive Committee Member ni lai mek atangin an aiawh tur a ruat thei ang.

(iv)           O.B. tanglai mekin engvang pawha a hna a chhunzawm theih loh chuan Executive Body-in a aiawhtu tur a ruat thei ang.

(v)             Dan Bu-in a tarlan thumal leh thuhlawm hrang hrang chungchangah hrilhfiahna inanglo a awmin Executive Body hrilhfiahna pawm tur a ni.

3.     0ffice Bearers :

(i)                Executive Committee Member tur a ruat thin ang.

(ii)             Executive Committee-in thuneihna a pek chinah hnathawkin meeting thurel an bawhzui thin ang.

(iii)           Engemaw thil pawimawh bik leh hmanhmawh thlak (emergency) a awmin Pawl hmingin thutlukna a siam thei ang. Mahse, hei hian Pawl kalphung leh inkaihhruaina engmah a kalh tur a ni lo.

(iv)           O.B. ten tul an tih chuan Executive Committee member zinga mi Secretary i/c Information & Publicity, Property etc.a ruat thei ang.

(v)             Executive Body-in a rel fel theih loh thu a awm chuan General Body hian a rel thin ang.

BUNG 8-NA

THUREL THEIHNA

1.     Executive Body Meeting-ah O.B. 3 ( pathum ) leh Committee member 1/3 ( hmun thuma thena hmun khat ) tal an awm chauhin rorel theih a ni ang.

2.     General Body Meeting-ah O.B. 3 ( pathum ) tal leh Executive Committee Member 1/3 (hmun thuma thena hmun khat ) aia tlemlo an awm chauhin rorel theih a ni ang.

3.     Thu inchuh a awmin a tam zawk thu a dingchang ang a. In buktawk a awmin Chairman in thu a pawtthlu thei ang.

BUNG 9-NA

BANNA ( TERMINATION OR CESSATION OF MEMBERSHIP )

1.     Executive Committee Member leh O.B. tupawhin ban an duh chuan Chairman hnenah banna a thehlut tur a ni.

2.     Chairman-in ban a duh chuan Vice Chairman hnenah banna a thehlut tur a ni.

3.     Hruaitu tupawh an nihna atanga ban theihna dang leh chu  Bung 4 (11), Bung 7-na 2 (iii) leh 2 (iv)-ah te tarlan a ni.

BUNG 10-NA

SUM LEH PAI

1.     Treasurer emaw Finance Secretary-ten atul hun apiangah sum dinhmun kimchang an report thei ngei tur a ni.

2.     Rikrum thilah O.B.-ten a tul dan a zirin sum an hmang thei ang a, amaherawh chu Executive Committee-in pawmpui tlaka a ngaih loh chin chu a hmangtuten an rul leh thin ang.

3.     Sum hman chungchangah Executive Committee in thu a nei ang.

4.     Ram leh Kohhran-in Dan leh Hrai, Inkaihhruaina a siamte palzut lo leh zah tak chunga sum tuak thin tur a ni.

5.     Sum hi kum tawp apiangin endik ( Audit ) thin tur a ni a, Executive Committee in tha a tih angin ruahmanna a siam thin ang.

BUNG 11-NA

INKAIHHRUAINA DAN SIAMTHAT

1.     Dan siamthat tura pawm a nih chuan a zirchiang tur bik Executive Committee-in a ruat ang a, chung mite zirchianna leh rawtna chu Executive Committee chuan a ennawn leh zet hnuah General Body Meeting-ah a thlen ang.

2.     Dan ennawn leh siam that chu General Body meeting-a tel member 2/3 ( hmun thuma then hmun hnih )-in a pawmpui hnuah chauh hman theih a ni ang.

BUNG 12-NA

KHINNA

1.     General Body emaw Executive Body remtihna la hmasa in Pawl-in mi a khing thei ang.

2.     Pawl-in mi a khin dawn reng rengin Chairman hmingin a khing tur a ni.

3.     Mi tupawhin he pawl thil tih hi a khin chuan a khin tur chu mimal ni lovin KAWC a khing tur a ni.

BUNG 13-NA

1.     LAWMPUINA

1.Executive Body-in mi tupawh chhan hrang hrang avanga      chawimawi/lawmpui tlak ni a angaih te chu Pawl hmingin Chawimawina/lawmpuina a pe thei ang a, anmahni pualin inkhawm hial pawh a kovin a huaihawt  thei ang.

2.     Lawmpuina leh hriatrengna thilpek chungchangah, sum sen ral thlengin Executive Body-in thu a nei ang.

2.RALNA

Member tupawh thi an awmin  Rs. 1000/-a ral thin tur a ni.

BUNG 14-NA

CHHIAT NI, THATNI  LEH  DAMLO KAN LEH TANPUINA

1.     Pawl-in a ngaih pawimawh avanga tanpui ngai an awmin Committee thuchhuak nghaklo pawhin O.B.-ten sum leh pai ( Rs. 1000/- thlengin )-an tanpui thei ang a, amaherawh chu Executive Committee-in a pawmpui theih ngei tur chin a ni tur a ni.

2.  Mi tupawh Pawl-in Sum leh paia tanpui ngai nia a ngaihte chu Rs.1000/- aia tamlo tanpuina a pe thei ang a, Rs.1000/- aia tamah chuan Executive Committee-in thu a nei ang a, sum tam tham leh hautak deuh thilah  chuan General Body-in a ngaihtuah thin ang.

                                           BUNG 15-NA

     Engvang pawhin he pawl hi a tiltiak anih chuan pawl thil neih mekte chu Kanhmun Branch YMA in a rochun ang.